Ciidanka xoogga dalka iyo kuwa xoogagga deegaanka ayaa si rasmi ah ula wareegay gacan ku haynta degmada Xarardheere ee Koonfurta gobolka Mudug.
Wasiirka Gaashaandhigga Xukuumadda Soomaaliya Cabduqaadir Maxamed Nuur jakaarta ayaa xaqiijiyay qabashada degmadw Xaradheere.
Ciidamo aad u farabadan oo katirsan kuwa dowlwdda Soomaaliya iyo kuwa degaanka ayaa kusii qul qulaya degmada Xarardheere ee Gobolka Mudug, kuwaas oo doonaya inay isku fidiyaan degaannada kale ee Gobolka Mudug.
Wararka ayaa intaas kusii daray in dagaal-yahanada Al-Shabaab ee ku sugna degmada ay faarujiyeen, kadib markii ay ka war heleen duulaanka culus ee ciidamada, waxaana hadda degmada si buuxda gacanta ugu haya ciidamada dowladda iyo kuwa deegaanka.
Ciidamada ayaa baaritaan lagu xaqiijinayo amaanka ka bilaabay xaafadaha kala duwan ee degmada Xarardheere ee Koonfur gobolka Mudug.
Kooxda Al-Shabaab ayaa la sheegaya in sidoo kale degmada ka saareen dhamaan dadkii ku noolaa, islamarkaana ay u kaxeysteen dhulka howdka ah, si ay uga badbaadaan duqeymaha diyaaradaha.
Warkaan sheegaya in Al-Shabaab ay ka baxeen degmada Xarardheere ayaa wuxuu soo yeeray xilli uu socday abaabulkii ugu xooganaa oo magaaladaas looga xoreeeyay kooxda Al-Shabaab – Xarardheere ayaa weligeed ku jirtay gacanta Al-Shabaab.
