Xiisadda ayaa ka dhalatay khilaaf culus oo soo kala dhex-galay maamulka Washeekh iyo hay’adda gacanta ku heysa maamulka isbitaalka guud ee degmadaasi.
Duqa degmada Warsheekh Xasan Maxamed Axmed (Darafey) ayaa goor sii horeysay soo saaray warqad uu ku sheegay inuu kuu joojiyey dhammaan howlihii shaqo ee ka socday isbitaalkaas inta laga soo xilinayo khilaafka taagan ee sababay in shaqada ay joogsato.
Intaas kadib ayaa la sheegay in ciidamo ka socda maamulka degmada oo fulinaya amarka soo baxay ay gudaha u galeen isbitaalka, ayaga oo kadib albaabada isugu laabay.
Arrintaan ayaa waxaa ka dhashay walaax xoogan, waxayna dadka deegaanka ay sheegeen in uu saameynayo xirnaasha isbitaalka oo muhiim u ah degmada iyo degaanada ku xiran.
Sidoo kale shacabka Warsheekh oo qaarkood la hadlay warbaahinta ayaa farriin culus u diray HirShabelle iyo dowladda dhexe, iyagoo ka dalbaday inay arrintaan soo farageliyaan.
Waxaa degmada Warsheekh ee gobolka Sh.Dhexe ka taagan walaac xooggan oo la xiriirta in gacan ka hadal uu isu bedelo xiisad ka taagan Isbitaalka weyn ee magaalo xeebeedaas.
khilaaf mudo soo taagnaa oo u dhaxeeya maamulka Degmada iyo Dalladda Warmocad oo gacan ku heysa maamulka isbitaalka ayaa sababtay in Isbitaalkii guud ee degmadaasi la xiro dhowr jeer.
maanta ayaa laga soo wariyay Warsheekh in Maamulka Degmada uu adeegsanayo awood ciidan si loo xiro Isbitaalka.
Siyaasiyiin ayaa taageeraya khilaafka sii xoogeystay ee ka taagan Warsheekh waxaana la sheegayaa in la isku hayo macaashka dhaqaalaha soo gala Isbitaalka oo dad gaar ah ayaa doonaya in ay leexsadaan adeegii bulshada.
